Како што јавува дописникот на МИА, во центарот на францускиот град Лион, на улицата Виктор Иго, меѓу плоштадот Белкур и железничката станица Лион-Пераш, околу 17.40 часот експлодира бомба.

Како што известува Министерството за внатрешни работи, во нападот се повредени шест лица.

Овој дел на градот моментално е опколен со полиција. Претседателот Емануел Макрон изјави дека во терористичкиот напад нема повредени. Министерството за внатрешни работи ја потврди експлозијата и бара поради безбедност на граѓаните да го избегнат овој сектор.

Минатиот месец исто така неколку лица, меѓу кои и еден малолетник планирале да ги нападнат француските безбедносни сили.

Тие беа уапсени под сомнение за подготовка и извршување на насилнички и терористички акт, објавија француските медиуми.
Како што јави дописникот на МИА, апсењата биле дел од прелиминарната истрага на Генералната дирекција за внатрешна безбедност, а покрената од страна на Парискиот обвинител на 1 февруари под обвинение за „здружување за терористички заговор.”