Кај областа Бониново, Дубровник во петокот попладнето беше извлечено безживотно тело на 30 годишниот Македонец.

Околностите за неговата смрт се уште не се познати на јавноста, но хрватските медиуми неофицијално изјавуваат дека се работи за давење.

Некаде пред 13 часот од Јадранското море било пронајдено машко тело, а после идентификацијата било утврдено дека се работи за 30 годишен Македонец кој живеел во Хрватска и имал целосен престој. Полицијата добила дојава од граѓаните дека некој се дави во Бониново, и заедно со итната помош се упатиле кон местото, каде полицајците интервенирале и со брод.

Како што пишуваат хрватските медиуми, најверојатно мажот паднал во морето и не можел да излезе, а кога го извлекле од морето давал мали знаци на живот, но најверојатно подоцна починал.

Дубровник е град во јужниот дел на Хрватска, кој излегува на Јадранско Море, во регионот на Далмација. Дубровник е една од најпознатите туристички дестинации во Средоземно Море, пристаниште и седиште на Дубровничко-неретванската жупанија.