Денес се формираа редици пред некои трговски центри во Франција, а граѓаните побрзаа да купат подароци и новогодишни украси откако властите делумно отворија некои продавници по едномесечната блокада.
Продавниците што продаваат „ситни“ производи како обувки, облека и играчки се повторно отворени со првото олеснување на епидемиолошките мерки што се на сила од 30-ти октомври.
Угостителските објекти остануваат затворени до 20 јануари.
Париските фризери за медиумите изјавија дека голем број клиенти тропнале веднаш на нивната врата и дека многу од нив дошле без да закажат термин.
Тие додадоа дека граѓаните ги почитувале епидемиолошките мерки додека чекале ред пред салонот.
Властите дозволија продавниците да бидат отворени до 21 часот, за да можат да примат повеќе клиенти. Покрај тоа, поради вонредната состојба во оваа земја, црниот петок е одложен за 4 декември.
“Се надевам дека нема да жалиме за отворањето. Сопствениците на продавниците работат напорно, сега сè е на граѓаните. Тие мора сериозно да ја сфатат ситуацијата и да бидат одговорни”, изјави шефот на болницата Пастер во Ница, Карол Ичаи.
Да потсетиме, Франција во последните 24 часа забележа 12.580 нови инфекции, што е мало намалување во споредба со претходниот период. Ова е исто така главната причина за благата релаксација на мерките.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.