Деновиве во правната фела се води дебата за законитоста или незаконитоста на притворските писма на Катица Јанева, која преку нив издава наредби до СЈО, пренесува нејзини права на државното обвинителство, иако токму од ова обвинителство е притворена во врска со злоупотребите во СЈО. Во дебатата предничат професорите Калајџиев и Тупанчевски, и двајцата професори по кривично право, но исто така со свои мислења се забележуваат и адвокатите Давидовиќ и Јанаки Митровски. Во принцип, сите се сложуваат дека притворената обвинителка Катица Јанева нема правен основ, прво да издава наредби, ниту има основ во Законот за СЈО да пренесува свои овластувања или предмети на други обвинителства. Но, откако притворената Катица Јанева го направи тоа, во нејзина одбрана се јави сопругот на нејзината адвокатка, Љубомир Фрчкоски, декан на факултетот ФОН во сопственост на Фијат Цаноски. Сите нив Фрчкоски во својата колумна за порталот Либертас ги обвинива за нестручност, за помагатели на криминалците на режимот и за припадници на “паламудски правен круг“, а со најсочна навреда го опишува професорот од правниот факултет Тупанчевски – “шаолин мајсторот Тупанче“.
„Катица Јанева се уште е специјален јавен обвинител. Но, ова е смешна и апсурдна ситуација која покажува колку се некадарни сите институции особено Советот на јавни обвинители, кој дури пред неколку дека даде предлог до Собранието за разрешување на Јанева. Согласно законот за СЈО Јанева вакво нешто нема право да направи бидејќи таа може да преземе предмет од редовното ОЈО и да воспостави надлежност, но не и обратно бидејќи во законот стои дека јавниот обвинител на државава или друг јавен обвинител нема право да преземе гоење или истрага во предметите кои се во надлежност на СЈО. Не може Катица да определува во кое обвинителство ќе одат предметите и таа да ја определува надлежноста на редовното обвинителство”, изјави за актуелните случувања адвокатот Давидовиќ. На ова Фрчоски коментира: Но забавна беше, херменевтичка – деонтолошка поента на оној Давидивиќ (ланци и прстење): не му било логично и апсурдно било?! Абе, бегај бре!
Професорот Тупанчевски во врска со последните настани поврзани со СЈО и законот за обвинителство изјави: “во интерес на сите е СЈО е да биде составен дел од едно јавно обвинителство кое ќе биде добра алатка и механизам за сузбивање на организираниот криминал и високата корупција посебно. Во таа насока, дополнително се комплицира ситуацијата со притворената специјална јавна обвинителка, каде што практично се чека да заврши постапката за нејзино разрешување“
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.