Директорката на Агенцијата за вработување, Билјана Јовановска, на денешната прес-конференцијата одговарајќи на новинарско прашање потврди дека се согласува со ставот на Светска банка дека дел од македонското население ниту сака да работи, ниту пак бара работа.

Таа истакна дека голем дел од лицата кои се пријавени како невработени, не доаѓаат на интервју за разговор кога ќе бидат повикани од страна на Агенцијата за вработување или работодавачот.

Јовановска информираше дека моментално во државата бројката на невработени лица изнесува околу 190 илјади.

Јовановска за makfax.com.mk изјавила дека од сите пријавени невработени, само 30% всушност од поканетите од Агенцијата всушност доаѓаат на интервјуата за работа, дел од нив во Агенцијата, дел директно на интервју кај работодавачот. Сепак, и од оние кои ќе отидат на интервјуто, најголемиот дел не ги прифаќаат условите, бидејќи не им одговара позицијата, смената, платата, „и така натаму“