И премиерот и претседател на СДСМ Зоран Заев со политичка но не и државничка пораката што денес ја испрати од Пелинце обраќајќи се повод одбележувањето на двата Илиндена.

Заев во својот говор истакна:

“Патриотизам е кога им го градиш патот на идните генерации – правејќи држава признаена од сите – горда – исправена – еднаква со другите останати – држава на која граѓаните ќе бидат горди. Храброста на нашите борци на кои денес им се поклонуваме е мотивот кој не води секој ден – за држава исправена пред светот. Нема подобар начин да им се оддолжиме – освен со продолжување на храбрите чекори. Време е Македонија да направи историја – забрзано да продолжи на патот кон посветла иднина. Одговорот на таа шанса треба да го дадеме заеднички – никој место нас нема да донесе одлука.

Заев упати порака до граѓаните да излезат на референдумот на 30-ти септември и да кажат “да” за идните генерации и за иднината на Македонија при што рече дека Договорот со Грција е патриотски и дека со него се зачувуваат македонскиот идентитет – јазик и државјанство и повика на единство – наместо на поделби:

“Да ги запреме сите поделби – да се обединиме внатре и со европското семејство за да имаме утре. Пред неколку дена го потврдивме датумот за референдумот 30-ти септември. Тоа е денот на нашата нова историска одредница – денот кога ќе донесеме одлука за нашата иднина како дел од семејството на ЕУ и на најсилниот сојуз НАТО. Секој од нас поединечно ја има шансата да ја донесе оваа голема одлука. Сега е моментот. Државотворните народи препознаваат вакви историски моменти – во вакви моменти не се седи дома – не се молчи – туку шансата треба да се зграби храбро – одлучно – достоинствено.”

За Заев доста е заробена држава – криминал – корумпирано судство – купени медиуми и политичка мафија:

“Доста е небиднина – ќе избереме иднина – време е за иднина наместо небиднина. На 30-ти септември ќе ги одбиеме мракот – криминалот – неизвесноста и изолацијата. Ве повикувам сите да кажете со гордост “да” – да кажеме “да” за гарантирана стабилност и безбедност преку членство во НАТО – за признат и потврден идентитет – јазик и култура.”

Официјалното одбележување во Пелинце почна со интонирање на македонската химна и со положување цвеќе во Меморијалниот центар. Со премиерот Заев во Пелинце се и владини министри меѓу кои за внатрешни работи Оливер Спасовски и за надворешни Никола Димитров.