Тамара Тодевска наскоро ќе се врати на музичката сцена, претставувајќи ја новата песна „Довидување таго“, посветена на ќеркичката Хана која наскоро ќе си добие братче.

Пејачката во периодов работи и на снимање спот за новиот сингл за што Тамара го сподели искуството од самиот крај на снимањето, кога освен што чамецот не сакал да им запали, ситуацијата дополнително ја отежнале силни ветришта.

„Момент на убаво чувство. Ми се познава нели? Ова е крај на снимањето. Тука сум премрзната како коцка лед. Дуваше толку силен ветер, да ми дуваше уште три дена во главата. Покрај тоа, ни чамецот не ни палеше да се вратиме од местото каде снимавме, до нашите сместувалишта, но задоволството направи од тоа ништо да не е важно“, напиша таа споделувајќи ја оваа фотографија.