Извештајот на „Стандард енд пурс” е позитивен и покажува дека земјава и јавните финансии одат во добра насока, вели министерот за финансии Драган Тевдовски во интервју за Канал 5.

Министерот за финансии Драган Тевдовски во интервју за Канал 5, изјави дека после подолг период на раст во минатото, се оценува дека долгот постепено ќе се стабилизира и ќе изнесува 48,7 проценти од БДП во 2021 и 2022 година.

Тој рече дека е оптимист за движењата за економијата и смета дека се остварливи проекциите за раст од 3,2 проценти. Министерот Тевдовски за следниот период очекува и подобрување на кредитниот рејтинг на земјава. Македонија очекува дека ќе има повеќе инвестиции, а за во иднина се очекува и подобрување на кредитниот рејтинг.

„Стандард енд пурс” за следните три години предвидува раст од три проценти, движен од домашната потрошувачка и извозот, како и подобрите движења кај инвестициите. После подолг период на раст во минатото, се оценува дека долгот постепено ќе се стабилизира, и ќе изнесува 48,7 проценти од БДП во 2021-2022 година (државниот долг и долгот на ЈПДП), соопшти Министерството за финансии.

– Очекувањата сега се дека би требало да имаме повеќе инвестиции, а во иднина да очекуваме подобрување на кредитниот рејтинг, и тоа е многу спротивно од она што се случуваше во последната декада кога кредитниот рејтинг од двете рејтинг агенции беше намалуван, рече Тевдовски.

Врз влошување на кредитниот рејтинг може да влијае враќањето на политичките тензии или забавувањето на темпото на реформи, што би имало негативен ефект врз растот и странските инвестиции, како и во случај на фискална недисциплина или вонбуџетски активности кои би ја довеле во прашање одржливоста на јавниот долг.